Blog

Kung naa mo’y bana nga buotan, palanggaa jud. Talagsaon rajud ang ing-ana na bana karong panahona.

Sa akong pagkadalaga, didto ko nagsugod ug huna-huna sa bana nga gusto nakong makauban sa kinabuhi. Kaniadto gusto ko na pareho mi ug relihiyon, buotan, Diyosnon, aktibo sa simbahan, ug maayo muatiman sa akoa.

Adunay naabot kaniadto sa akong kinabuhi, Diyosnon sa akong panan-aw, pareho mi ug relihiyon, ug buotan, maayo mananom, maayo muluto, ug mapinanggaon sa akong mga ginikanan. Pero diri ko nakakat-on ug pagtulun-an na, ‘Abi nako ug tanan Diyosnon, loyal.’ Pero dili diay. Maskin unsa kamaayo sa usa ka tawo, kung dili loyal, para sa akoa, lisud kaayo na himoong partner sa kinabuhi.

Nakakat-on ko sa pagkaloyal tungod ani nga panghitabo. Anaa nasad naabot sa akong kinabuhi. Memorise and Bibliya, obssess sa end of the world, buotan, di kaayo nagcare sa akong mga ginikanan, mutoo ug mga kalag, maayo muluto ug musulat.

Niini nga relasyon, diri ko nakakat-on naa tood mga tawo na loyal, pero kung tapulan mangita ug kwarta, mura’g ako jud ang magsuffer ani kadugayan. Niadtong nabantayan nako na inig naa siya’y trabaho permi siya makick out kay sige ra siya’g absent, diri ko nakaimagine na unsa ang mahimong kinabuhi nako kauban sa akong mga anak kung ing-ani ang bana.

Hangtod naabot si PJ. Siya ang nakaprove sa akoa na naa jud mga unexpected na mga butang na muabot sa atong kinabuhi. Daghan ko’g gihandom sauna sa akong mga relasyon kaniadto na si PJ ang nagtuman. Maskin wala ko mag-istorya sa iyaa mahitungod sa akong mga handom, pero ginabuhat niya.

Samtang nag-ila-ila palang mi ni PJ, nakita nako na kugihan siya ug adunay dako na panglantaw sa kinabuhi. Humble sad siya, buotan, mapinggaon sa ginikanan, bright, naggahatag ug panahon maskin busy, masinabtanon, dili dali masuko, mature ug sweet. Atong nameet najud nako siya sa personal, misamot akong interest sa iyaa kay lahi rajud siya na lalaki.

Adunay mga tawo na mag-ingon na maayo ra ang relasyon kung sa permiro. ‘I-enjoy ang panag-uyab kay diha raka hatagan ug panahon. Diha raka hatagan ug bulak. Nianang panahona raka i-date. Inig minyo ninyo diha na manggawas tanan batasan na wala kaniadto. Ug tanan naexperience nimu sa uyab pamo, dili na mausab kay nakuha naman niya iyang gusto.’

Ang unang tuig sa kaminyoon namo ni PJ, pareha ming duha na stress ug frustrated. Dili man mi kanunay na ing-ani pero naa jud ni siya na feelings. Niining panahona nabag-uhan pajud ko’s akong mga experience diri sa India maong ikapila jud ko mihilak. Daghan ko ug mga gusto unta na mahitabo hilabina sa balay namo ug nastress ko kay lisud siya na mahitabo.

Ang akoa lang jud gipasalamatan nga niining mga panahona, anaa’y pasensya si PJ sa akoa. Gisabot niya ang akong mga gibati. Usahay dili siya kasabot pero mostly kasabot siya. Kabalo siya na nagsakripisyo ko ug anhi diri sa India para sa iyaa ug miingon siya na tungod sa akong sakripisyo, at least matuman ang uban nako na mga gusto unta mahitabo.

Anaa jud si PJ kanunay sa akong kiliran sa mga panahon na naglisud ko’g adjust. Dili jud lalim magpuyo sa laing nasud hilabina kay wala ta nasuhito sa mga kultura. Di jud malikayan na usahay makuratan ta sa mga panghitabo.

Tungod sa mga naexperience nako diri ug unsa kamaayo si PJ sa akoa, diri ko nakarealise na lahi rajud ang kinabuhi kung naa’y maayuhon na bana.

Daghan sa mga bana diri sa India na kung anaa’y reklamo ang mga asawa, ang asawa ang awayon ug mudapig sa ginikanan. Kani nga sitwasyon lisud kaayo kay diri sa India, ang asawa jud ang muipon sa bana. Ug kung ang asawa kada reklamo kay wala siya’y madapigan, sakit jud kaayo ni sa buot. Kay naa man divorce diri sa India, naa jud divorce nagahitabo. Apan anaa’y mga babae na muantos nalang kay lain ug dungog ang babae diri sa India kung madivorce ang kaminyoon. Maong nakarealise ko na swerte ko sa akong kahimtang karon.

Naa’y kas-a nagdate mi ni PJ ug gishare nako sa iyaa ang isa ka comment mahitungod sa ‘permiro ra nindot ang kaminyoon.’ Gusto nako madungog kung unsa ang iyaang opinyon mahitungod ani. Miingon siya sa akoa na sa amoang relasyon, feel niya na opposite mi. Ang iyaang nabantayan kay sa nagkadugay mi sa among relasyon, mas nabetter ang amoang panag-uban. Ingon siya na karon mas sweet mi, mas masinabtanon, mas daghan ug pasensya, ug mas clingy. Inig naa mi’y problema mas dali ra namo masulbad karon kay mas nakasabot nami sa usa’g usa. Pagkadungog nako ani nakaingon ko na mao sad ni akong nabantayan.

Naa ko’y nakita sa social media na video na nag-ingon na sa kaminyoon dili lang ta kas-a mag-adjust. Hangtud nag-uban pa kita sa atong bana/asawa, kada-adlaw ang atong pag-adjust. Nakarealise ko na tinood jud. Dili lalim ang kaminyoon kay lahi-lahi jud ug batasan ug kinahanglan jud na dako ug pasensya ug pagsabot. Maong malipayon mi sa akong bana karon kay kanunay mi nag-adjust sa usa’g usa.

Isa sa akong gipasalamatan sa akong kinabuhi na anaa ko’y maayohon na bana. Kanang bana na gipaglaban ko sa iyang mga ginikanan kay ako rajud iyang minyoan. Usa ka bana nga ipaglaban ko sa mga tawo nga nagdaog-daog nako. Atimanon ko inig nagdaot ko maskin naa siya’y trabaho. Idate ko kada-semana maskin minyo nami. Mapinanggaon kaayo sa akong ginikanan ug pamilya. Supportive sa gusto nakong buhaton. Giatiman ko mentally ug physically. Responsable na pagkabana.

Kung naa mo’y bana nga buotan, palanggaa jud. Talagsaon rajud ang ing-ana na bana karong panahona.

God bless kaninyong tanan.